Transcription
1
Reçue à Grenoble, le 20 mars 1573. Répondue.
2
Monseigneur, estans venus en ceste ville deux
3
comissaires envoyés de la part de monsieur de Moydieu,
4
surintendent des vivres du camp quil vous plaict
5
dresser, nous aiant faict comandement fournir certeyne
6
quantité de bled, vin, chair, foing et avoyne pour
7
ledit camp, voyons quil seroit impossible à ceste
8
pouvre ville fère telle fourniture, encores que notre
9
volunté aye toujours estre employer et vies et
10
biens pour le service de sa magesté, avons
11
depputé monsieur Cati, present pourteur, pour vous
12
aller ramonstrer notre impossibilité et pouvreté,
13
comme au long croyons quil fera, auquel, pour
14
cest effaict et aultres choses quil a charge de
15
nous, nous remectons le tout, vous supliant
16
très humblement vous voulloir monstrer protecteur
17
de notre pouvre ville, comme par cy devant en
18
avons veu les effaictz et experimenté ; et sur ce,
19
Monseigneur, prierons Dieu nous fère la grace
20
de pouvoir employer et nous et noz vies pour
21
le service de sa magesté et votre particullier et
22
vous doint en laugmentation de votre grandeur
23
heureuse sancté et longue vie. A Dye, ceXVIIIe mars
24
1573
25
Charenny consul
26
Monseigneur, avecque votre permition, je vous
27
bayze très humblement les mayns et vous
28
supplye me fère cest honneur me tenyr pour
29
votre très humble serviteur à jamays
30
A. Siennes